Максим Мирович (maxim_nm) wrote,
Максим Мирович
maxim_nm

Палiчка з кнiгамi, выпуск 5.

 Books_1


У мяне есць прыватная бiблiятэка, якая змяшчае прыкладна паўтары тысячы выданняў (i якая час ад часу поўнiцца новымi кнiгамi). У гэтай рубрыцы я буду пiсаць пра тыя кнiгi, якiя больш за ўсе мяне ўразiлi. Як i астатнi блог, гэтая рубрыка будзе весцiся на двух мовах - рускай ды беларускай.

Stach


Уладзiмiр Караткевiч, "Дзiкае палванне караля Стаха".


Людзі ходзяць напаўпрытомныя,
быццам зранку глыталі дуст,
быццам нехта зрабіў ім цёмную
і схаваўся нахабна за куст.

Толькі дождж беспрытульна гуляе,
як кароль Караткевічаў - Стах,
і страляе!! страляе!! страляе!!
па кустах!! па кустах!! па кустах!!


Вiктар Жыбуль.

__________________________________________


"Але яшчэ i зараз я часам бачу ў сне сiвыя верасовыя пусткi, чэзлую траву на паверхнi прорваў i дзiкае паляванне караля Стаха, якое скача па дрыгве. Не бразгаюць цуглi, моўчкi сядзяць у седлах прамыя постацi коннiкаў.
Вецер развейвае iх валасы, плашчы, грывы коней, i самотная гострая зорка гарыць над iхнiмi галовамi."

Уладзiмiр Караткевiч.



З кнiгамi Караткевiча я пазнаемiўся ўсяго неклькi год таму. Канешне, у школе мы чыталi сее-тое, але ж на фоне татальнай нецiкавасцi ды панурасцi школьнага курса беларускай лiтаратуры Караткевiч неяк "праскочыў" мiма мяне. Дык вось, аднойчы марозным зiмовым вечарам я зайшоў у адну невялiкую кнiгарню на праспекце ў Менску i пабачыў файнае выданне "Палявання" - мелаваная папера, супервокладка, малюнкi Басалыгi (супер-класныя) ды цвердая вокладка - таму я адразу набыў гэтую кнiжку.

Сказаць, што кнiга мяне ўразiла - гэта значыць нiчога не сказаць. Я лiтаральна "праглынуў" раман за два днi i потым каля тыдня яшчэ думаў, што ж гэта, у рэшце рэшт, было. Есць добрае вызначэнне, што ўся амерыканская лiтаратура "схавана" у твэнаўскiх "Прыгодах Гека Фiна", дык вось - уся беларуская лiтаратура, больш таго - уся беларуская няшчасная гiсторыя - гэта караткевiчаўскае "Паляванне".

Як i любая добрая лiтаратура, раман мае некалькi "узроўняў успрыняцця" - ад самага паверхнаснага ("мiстычны дэтэктыў") да больш глыбокага - паказ трагедыi зямлi беларускай, што паўтараецца са стагоддзя ў стагоддзе амаль аднолькава. Гэта i парэшткi знiшчанага Княства, што ва ўмовах адсутнасцi сродкаў масавай iнфармацыi праiснавалi амаль да XX стагоддзя, гэта тыповае беларускае маўчанне ды здрада, гэта i спецыфiчнае беларускае вар'яцтва, што здараецца ад невыноснага чакання "Дзiкага Палявання" ды немагчымасцi штосьцi змянiць.

Раман досыць удала збудаваны кампазiцыйна, i, дарэчы, у кампазiцыi есць вельмi яўныя месцы, зробленыя Караткевiчам "дзеля цэнзуры", каб раман увогуле мог пабачыць свет за савецкiм часам. Але ж гэта амаль не псуе агульнай дасканаласцi, цэльнасцi ды значнасцi твора.

_____________________________

Калi ў маiх шматлiкiх замежных вандроўках хтосцi спытае мяне, што можна пачытаць, каб лепш даведацца пра тое, што ж за краiна такая - Беларусь - то я адназначна буду рэкамендаваць не "ARCHE", не "Дзяды" ды не навуковыя артыкулы, а "Дзiкае паляванне караля Стаха" - бо ў гэтым рамане пра нас напiсана ЎСЕ. Мабыць, нават тое, што мы самi сабе не гаворым.
Tags: Палiчка з кнiгамi
Subscribe
promo panchul august 3, 06:10 77
Buy for 510 tokens
Вы хотите узнать, как получить работу по проектированию электроники космического корабля? Мне надавно пришло предложение поинтервьироваться на позицию FPGA designer для Blue Origin (см. выше). Лично мне такая позиция не нужна (у меня уже есть позиция ASIC designer-а в другой компании), но я…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 7 comments