Максим Мирович

Кораблю безопаснее в порту, но он создан для океана


Previous Entry Share Next Entry

Акудовiч, пасляслоўе.

akudovich-1

Ну што, схадзiў я на прэзентацыю Акудовiча. Гаворыць дзядзька цiкава, але па сутнасцi - нi пра што. Кнiгу так i можна было назваць - "Кнiга нi пра што". Акудовiч не падымае нiякiх сапраўды сучасных фiласофскiх пытанняў (якiя вымагаюць дзеяння), а корпаецца ў даволi склiзкай i блiзкай да клясiчных сафiзмаў тэме, што паўстае не з нейкiх "таямнiчых чыннiкаў Сусвету", а з асаблiвасцяў чалавечага ўспрыняцця ды асаблiвасцяў чалавечай мовы.

Акудовiч робiць таямнiцу з гэтых памежных аддзелаў успрыняцця, але нiякiх "таямнiцаў" у эзатэрычным акудовiчавам разуменнi тут няма, а есць паросту не да канца зразумелыя фактары функцыянавання чалавечага мозга i якiя, дарэчы, паступова перастаюць быць таямнiцамi, вось толькi адказы на гэтыя пытаннi прыходзяць не з фiласофскай балбатнi, а са складанай медыцынскай ды навуковай лiтаратуры.

Карацей, кнiжку я не набыў. Дарэчы, 120.000 (14$, на хвiлiначку) за падобную лiтаратуру мне шкада, хай яна i прэзентуецца аўтарам як Opus Magnum сваей лiтаратурнай дзейнасцi.

promo maxim_nm august 1, 2012 15:32
Buy for 500 tokens
Привет! Давайте знакомиться — меня зовут Максим Мирович, я топ-блогер "Живого Журнала":) Уже несколько лет я веду блог maxim_nm на платформе Livejournal, который стал одним из самых популярных и посещаемых блогов рунета. Я пишу о путешествиях, индустриальном…

  • 1
euga November 2nd, 2012
Дзякуй за допіс! :)

maxim_nm November 2nd, 2012
:)

palivac November 2nd, 2012
Мы ёсць, а яго няма. Ніяк не зразумею, чым ён займаецца и навошта хадзіць на такія прэзентацыі?

maxim_nm November 2nd, 2012
Увогуле Акудовiч мне як асоба падабаецца (вяселы, гумарны, далiкатны), але ж тое, што ен робiць як фiлосаф у мяне не вызывае захаплення.

viktorbobrov89 March 27th, 2014
как переводится "увогуле"?

maxim_nm March 27th, 2014
"Вообще".

viktorbobrov89 March 28th, 2014
сюда же входит и "вообще-то", и "в общем", или как?

maxim_nm March 28th, 2014
Скорее "вообще", "в целом".

(Deleted comment)
maxim_nm November 2nd, 2012
:)

vital_rudak November 2nd, 2012
нешта не танна

maxim_nm November 2nd, 2012
Так, але грошай не шкада (я набываю нашмат больш дарагiя кнiгi), а проста есць нейкае несупадзенне кошту ды зместа - зменшага таго зместу, што агучыў Акудовiч, бо кнiгу я не чытаў. Жадання пачытаць не ўзнiкла.

znikla November 2nd, 2012
Усё гэта харашо, але я нядаўна за 120 тысяч набыла выдатна выкананы збор беларускай літаратуры 11-16 стагоддзяў, 800 старонак, творы, якіх шмат дзе няма, цудоўныя пераклады, якасная папера і друк, нармальны шрыфт, вокладка добрая. Вось на гэта мне было не шкада 120 тысяч (усё ж не зусім малыя грошы).
А тут кніга па філасофіі, аднаго аўтара, выкананне, напэўна, звычайнае - і такі кошт. Нешта тут не так. Думаю, Акудовічу прыйдзецца распаўсюджваць наклад прэзентамі сябрам.
Увогуле грошы не галоўнае, але пасля такога водгуку я чытаць кнігу не буду, хаця пасля яе гучнага анонсу жаданне ўзнікла. Катэгарычна не люблю, калі ні пра што пішуць разумнымі фразамі.

maxim_nm November 2nd, 2012
Так, пра акудовiчаўскае "нiшто" лепш пачытаць у Хафштадтэра, напрыклад.

Edited at 2012-11-02 10:47 pm (UTC)

a_belanozhka November 3rd, 2012
Апошняя філасофская, сапраўды глыбокая кніга, якую я прачытала - гэта "Цытадэль" Экзюперы. І я лічу, што нічога лепшага ніхто яшчэ не здолеў напісаць. Асабліва нашыя майстры пяра. У беларусаў, на маю думку, не дужа філасофскі розум у прынцыпе. На генетычным узроўні. а 120 тыр гэта ну жах, жах. я лепш слоўнік беларускай мовы пачытаю, ён мне 60 абышоўся, здаравенны такі том. Або нядаўна за 19 (!!!) тысяч знайшла немаладое фальклорнае выданне "Магілёўскага Падняпроўя", якраз мне па працы трэба было.

maxim_nm November 3rd, 2012
Экзюперы ўсеж-такi пiсьменнiк, а не фiлосаф.

a_belanozhka November 3rd, 2012
Экзюперы пісьменнік з філасофскім паглядам на свет. Рэдкі дар. І Экзюперы, будзем шчырыя, большы філосаф, чым Акудовіч. Экзюперы піша прытчы.
Але ж самае галоўнае, як аўтар сам ставіцца да таго, што ён робіць.Ці можа цвяроза сам сябе ацаніць.
Я, напрыклад, вышэй за харошы фельетон не скокну ў сваіх пісьменніцкіх магчымасцях, і нават спрабаваць не буду, каб не саромець сябе, і не стану выдаваць тое, што ёсць, за тое, на што я, відавочна, няздатная.

  • 1
?

Log in

No account? Create an account