Максим Мирович (maxim_nm) wrote,
Максим Мирович
maxim_nm

Менск на старых паштоўках.

Нядаўна я набыў файны камплект паштовак з выявамi старога Менску. Малюнкi на паштоўках зроблены паводле старых фотаздымкаў; давайце паглядзiм, як выглядаў горад у розныя часы.



1. Конка на Губернатарскай вулiцы, 1915 год.

P2170134

У Менску конка праiснавала да 1928 года, мая бабуля яшчэ памятала яе. Даволi цiкавы прыклад гiстарычнага транспарту; думаю што было б файна зрабiць у цэнтры горада такi турыстычны атракцыен - на двух цi трох вулiцах.





2. Панарама Верхняга горада, год не пазначаны.

P2170133

Злева можна пабачыць Траецкае прадмесце, а "знята" панарама недзе з другога берага Нямiгi. Гандлевыя рады, што iдуць адразу за Траецкiм, зараз даволi жахлiва адрэстаўраваны.




3. Трамвай у Старым горадзе.

P2170132

Цiкава, што па гэтых вулiцах калiсьцi хадзiў трамвай - зараз да блiжэйшых рэек топаць не менш за кiламетр (а то i больш). Аднапавярховыя будынкi не захавалiся.




4. Прывакзальная плошча, пачатак шасцiдзесятых гадоў.

P2170135

Цiкава, што аўтобусны прыпынак калiсьцi быў проста перад будынкам старога чыгуначнага вакзалу - зараз аўтобусны вакзал месцiцца у новым будынку метраў на трыста далей. На заднiм плане - знакамiтыя "вежы на Кiрава" - зараз папулярнае месца арэнды нерухомасцi.




5. Яшчэ аўтобусы, за гэтым разам зноў раен Нямiгi, 1978 год.

P2170131

Ракурс амаль той жа, што i на паштоўке нумар два. Зараз там (таксама як i на вакзале) няма анiякага прыпынку.




6. Вугал Праспекта i вулiцы Казлова, 1955 год.

P2170130

Цiкавы будынак, блiзкi да стылiстыкi арт-дэко. Трамвайныя рэйкi засталicя там жа, але нiякiх тралейбусаў на праспекце зараз няма. Звярнiце ўвагу на правы бок фота - там няма сучаснага Палаца мастацтваў - на тым месцы былi каталiцкiя могiлкi.




7. Трамвай на Энгельса (калi ўжо пераназавуць:)), пачатак пяцiдзесятых.

P2170137

Не вельмi ўяўляю, дзе гэта дакладна. Тым больш, што зараз анiякага трамвая там няма. Здаецца, гэта недалека ад перакрыжавання з праспектам, а на заднiм плане, магчыма, Купалаўскi тэатр.


Tags: Менск
Subscribe
promo maxim_nm august 1, 2012 15:32
Buy for 500 tokens
Привет! Давайте знакомиться — меня зовут Максим Мирович, я топ-блогер "Живого Журнала":) Уже несколько лет я веду блог maxim_nm на платформе Livejournal, который стал одним из самых популярных и посещаемых блогов рунета. Я пишу о путешествиях, индустриальном…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 16 comments