Максим Мирович (maxim_nm) wrote,
Максим Мирович
maxim_nm

Буккросiнг у Менску.

Я амаль не карыстаюся буккросiнгам, але мабыць камусьцi будзе цiкава даведацца пра яго. Буккросiнг - гэта свабодны абмен кнiжкамi, з палiчак буккросiнгу можна браць абсалютна любыя кнiжкi ды пакiдаць там свае. Кропак буккросiнгу ў Менску няшмат - усяго каля дзесятка, сення я раскажу пра тыя, якiя я паглядзеў.


1. Паб-Клуб "Графiцi", завулак Калiнiна, 16 (нейкi прамысловы будынак, на першым паверсе адразу направа).

P2020095

Зусiм невялiкая палiчка на былым, здаецца, падваконнiку (зараз акно чымсцi зачынена) - адмiнiстратары нават не адразу зразумелi, пра што я пытаюся. Асартымент зусiм невялiкi - каля двух дзесяткаў кнiжак.





2. Дом Фiшэра, Незалежнасцi 84а (другi паверх).

P2020105

Тут можна знайсцi iкееўскi стэлаж "бiллi", амаль цалкам запоўнены кнiжкамi - якiя, аднак, абнаўляюцца даволi рэдка. Але сее-тое знайсцi можна, я знайшоў даволi рэдкую кнiжку вершаў.




3. Галерэя "Тут.бай", Веры Харужай, 1A, гандлевы цэнтр "Сiлуэт". Уваход з правага боку будынка у левыя дзверы. На шостым паверху прастуеце ў тутбаеўскi буфет - там будзе вось такая шафа.

P2040125

Асартымент розны. Тут я знайшоў файную ды рэдкую кнiжку па эканомiке.




4. Кнiгарня "У нескладовае", Незалежнасцi 37А (у дварах плошчы Перамогi).

P2020113

Па колькасцi кнiжак гэта самая вялiкая кропка. Асартымент - збольшага савецкая нiкому не патрэбная макулатура эры бэжнеўшчыны, часопiсы розных часоў. Трапляецца таксама розная рэлiгiйная ды iдэалагiчная хрэнь, але есць i добрыя кнiжкi - iх трэба шукаць, i яны амаль не затрымлiваюцца на стэлажы:)




5. Дзве кропкi ў Палiтэхе - (Незалежнасцi 65 ды Коласа 16), але там шукаць няма чаго - першая кропка была лiтаральна пустой, на другой было каля дзесятка нецiкавых кнiжак. Карацей - няма чаго рабiць там.


Tags: Менск, буккросiнг, кнiгi
Subscribe
promo maxim_nm август 1, 2012 15:32
Buy for 500 tokens
Привет! Давайте знакомиться — меня зовут Максим Мирович, я топ-блогер "Живого Журнала":) Уже несколько лет я веду блог maxim_nm на платформе Livejournal, который стал одним из самых популярных и посещаемых блогов рунета. Я пишу о путешествиях, индустриальном…
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 12 comments